گاڑی کو مناسب رفتار سے چلانا:
اگر گاڑی کی رفتار دو گنا کر دی جائے تو ہوا کی مخالف سمت سے مزاحمت چار گنا بڑھ جاتی ہے اور اگر گاڑی کی رفتار تین گنا کر دی جائے تو ہوا کی مخالف سمت سے مزاحمت نو گنا بڑھ جاتی ہے، اس لئے گاڑی کو مناسب رفتار سے چلائیں، گاڑی کی رفتار 80 کلو میٹر کے اندر رکھیں تاکہ ایندھن کم خرچ ہو۔
بڑے گیئر میں شفٹ ذرا جلدی اور چھوٹے گیئر میں شفٹ ذرا دیر سے
ایندھن کے کم سے کم استعمال کے لئے، گاڑی چلاتے وقت بڑے گیئر کا استعمال کریں۔ جتنا ممکن ہو چھوٹے سے بڑے گیئر میں شفٹ کریں۔
مندرجہ ذیل تجاویز (گاڑی کی رفتار ایک گیئر سے دوسرے گیئر میں منتقلی کے وقت) ایندھن کی بچت اور گاڑی کی بہتر کارکردگی سے متعلق آگاہی فراہم کرتی ہیں:
گیئر تبدیلی کے وقت گاڑی کی رفتار (کلومیٹر فی گھنٹہ میں):
پہلے سے دوسرے گیئر کے لئے 25 کلومیٹر
دوسرے سے تیسرے گیئر کے لئے 40 کلومیٹر
تیسرے سے چوتھے گیئر کے لئے 65 کلومیٹر
چوتھے سے پانچویں گیئر کے لئے 75 کلومیٹر
زیادہ ایکسیلیریشن صحیح نہیں
غیر ضروری ایکسیلیریشن سے پرہیز کریں، زیادہ ایکسیلیریشن سے 50 فیصد سے زیادہ ایندھن استعمال ہوتا ہے، زیادہ ایندھن کے استعمال کو بچانے کے لئے رفتار میں آہستہ آہستہ اضافہ کریں۔
انجن کو کم سے کم خالی چلانا
انجن کو کم سے کم خالی چلائیں۔ اگر آپ کہیں 5 منٹ سے زیادہ رکیں تو گاڑی کے انجن کو بند کر دیں.
گاڑی کے ایئر کنڈیشنر کا مناسب استعمال کریں
یہ بات ذہن نشین کر لیں کہ گاڑی کا انجن ایئر کنڈیشنر کمپریسر کو چلاتا ہے، صرف ضرورت کے وقت ایئر کنڈیشنر کو استعمال کریں اور ایندھن کی بچت کو یقینی بنائیں۔
مناسب راستہ استعمال کریں
بہترین راستہ وہ ہے جو کم وقت میں طے ہو، لیکن سڑکوں کی حالت کو بھی مدِ نظر رکھیں۔ مختصر فاصلے اور بار بار رکنے اور چلنے سے زیادہ ایندھن استعمال ہوتا ہے۔
وقت پر گاڑی کی دیکھ بھال ایندھن کی بچت کو بھی یقینی بناتی ہے
کیا ٹائروں کا ایئر پریشر مناسب ہے؟
جب ٹائروں میں ہوا کا پریشر کم ہو تو رولنگ مزاحمت زیادہ رہتی ہے، جو ایندھن کی بچت کو متاثر کرتا ہے۔
یہ یاد رکھیں کہ ریڈیئل ٹائروں میں رولنگ مزاحمت بائس/عام ٹائروں سے کم ہوتی ہے۔
کیا کولینٹ/پانی کا درجہ حرارت مناسب ہے؟
انجن زیادہ جلدی خراب ہو جاتا ہے اور ایندھن کی بچت زیادہ متاثر ہوتی ہے جب انجن کے کولینٹ/پانی کا درجہ حرارت بہت کم ہو۔
کیا فیول انجیکشن کے ٹائمنگ اور انجن کے والو کلیئرنس درست ہیں؟
اگر فیول انجیکشن کے ٹائمنگ میں تاخیر ہے اور انجن کے والو کلیئرنس تجویز کردہ معیار سے زیادہ ہیں تو انجن کی طاقت گھٹے گی اور ایندھن کی بچت متاثر ہو گی۔ چونکہ یہ مقررہ وقفہ کے چیک کرنے کے پوائنٹس ہیں لہذٰا انہیں صحیح وقت پر چیک کراتے رہنا چاہئے۔
کیا ایئر فلٹر کی جالی بند تو نہی؟
اگر ایئر فلٹر کی جالی مٹی سے بند/چوک ہو جائے تو انجن کی طاقت کم ہو جائے گی اور ایندھن کی بچت متاثر ہو گی کیونکہ اس طرح ہوا کے اندرونی بہاؤ میں کمی واقع ہوتی ہے.
کیا انجن آئل اور آئل کا گریڈ صحیح ہے؟
ہمیشہ تجویز کردہ آئل یا آئل کا گریڈ استعمال کریں۔ یہ انجن کو تحفظ دیتا ہے اور اس کی پرفارمنس میں بھی بہتری کو برقرار رکھتا ہے۔
کیا آپ کلچ اور بریک کی کارکردگی میں کمی کو محسوس کرتے ہیں؟
کلچ کی سلپیج کی وجہ سے انجن کی طاقت میں کمی واقع ہوتی ہے اور ایندھن کی بچت پر بھی اثر پڑتا ہے اس کے علاوہ بریک ڈریگ کی وجہ سے بریک کی لائیننگ جلدی گھستی ہے اور ایندھن کی بچت پر اثر انداز ہوتی ہے۔